आज झरना थापाको जन्म दिन, टेकिन ३९ वर्षमा

सुन्दरी नायिकाको उपमा पाएकी झरना थापा बुधबारदेखि ३९ वर्ष लागेकी छन् । सन् १९८० मा उनी प्यूठान जिल्लामा जन्मिएकी हुन् । झरनाले धर्मसंकट फिल्मबाट चलचित्र क्षेत्रमा प्रवेश गरेकी थिइन् । धर्मसंकटको लुकीछिपी लुकिछिपी हेर्नेले बोलको गीतमा गरेको नृन्यबाट झरना दर्शकमाझ नोटिस भएकी थिइन् । उनका मुगलान, हामी तीन भाई, म तिमिबिना मरिहाल्छु, तक्दीर, ए मेरो हजुर, सुखदुख, लगायतका फिल्म दर्शकमाफ चर्चित बनेका फिल्म हुन् ।

२ दशक भन्दा लामो समयदेखि फिल्म क्षेत्रमा सक्रिय झरना पछिल्लो समय निर्देशन समेत गर्न थालेकी छन् । उनले ए मेरो हजुरको सिक्वेल पहिलोपटक निर्देशन गरेकी थिइन् । एक वर्ष अघि प्रदर्शनमा आएको यो फिल्म पछि फेरि पनि उनले ए मेरो हजुरकै तेस्रो सिक्वेल निर्देशन गरेकी छन् । प्रदर्शनको तयारीमा रहेको झरना निर्देशित ए मेरो हजुर ३ मा उनकै छोरी सुहानले डेब्यू गर्दैछिन् । सुहानासँगै अनमोल केसीको पनि अभिनय यो फिल्ममा रहेको छ ।

शिखर न्यूजको तर्फबाट अभिनेत्री झरना थापालाई जन्मदिनको धेरै धेरै शुभकामना ।