कर्मचारीको पहिलो रोजाई प्रदेश नम्बर ३ र ४

Abhiyanpost Abhiyanpost
|
सोमबार, फाल्गुन १४, २०७४
|
१
|
५५ पटक हेरिएको
Shares
कर्मचारीको पहिलो रोजाई प्रदेश नम्बर ३ र ४

सारांश

  • काठमाडौं, १४ फागुन – प्रदेशमा सरुवा हुन  चाहेका कर्मचारीमध्ये उनीहरूको  पहिलो रोजाइ ३ र ४ नम्वर प्रदेश रहेका छन्।
  •   सामान्य प्रशासन मन्त्रालयका अनुसार  प्रदेश ३ को अस्थायी राजधानी हेटौंडा र प्रदेश ४ को अस्थायी राजधानी पोखरा सरुवा हुन चाहेका  कर्मचारीको पहिलो चाहना रहेको छ ।
  •   मन्त्रालयले यसपटक कर्मचारीको सरुवा गर्न दुईवटा मापदण्ड अपनाएको थियो ।

काठमाडौं, १४ फागुन – प्रदेशमा सरुवा हुन  चाहेका कर्मचारीमध्ये उनीहरूको  पहिलो रोजाइ ३ र ४ नम्वर प्रदेश रहेका छन्।  सामान्य प्रशासन मन्त्रालयका अनुसार  प्रदेश ३ को अस्थायी राजधानी हेटौंडा र प्रदेश ४ को अस्थायी राजधानी पोखरा सरुवा हुन चाहेका  कर्मचारीको पहिलो चाहना रहेको छ ।  मन्त्रालयले यसपटक कर्मचारीको सरुवा गर्न दुईवटा मापदण्ड अपनाएको थियो । आजको नागरिक दैनिकमा खबर छ ।

यसअनुसार पहिलो मापदण्डमा कर्मचारीको इच्छामै  सरूवा गर्ने, अर्को मापदण्डमा  काठमाडाैँको कुनै कार्यलयमा लामो समयसम्म एकै ठाउँमा बसिरहेका कर्मचारीलाई सरुवा गर्ने मापदण्ड राखेको थियो। सरुवा हुन चाहने कर्मचारीमध्ये धेरैजसोले प्रदेश ३ र ४ रोजेको मन्त्रालय स्रोतको भनाइ छ।

हेटौंडा र पोखरामा यसअघि क्षेत्रीय सदरमुकाम भएकाले हेटाैँडा र पोखरामा कार्यलय व्यवस्थापनको समस्या छैन । यसैगरी हेटौंडा र पोखरामा उच्च तहका कर्मचारीलाई आवासको पनि सुविधा रहेको छ । यसकारण पनि हेटौंडा र पोखरा कर्मचारीको पहिलो रोजाइ रहेको मन्त्रालयको भनाइ छ । प्रदेश ५ को अस्थायी राजधानी बुटवल, प्रदेश ७ को अस्थायी राजधानी धनगढी र प्रदेश २ को अस्थायी राजधानी जनकपुरमा कर्मचारीको सरूवा हुने चाहना तुलनात्मक कम देखिएको स्रोतको भनाइ छ । त्यसमा पनि प्रदेश २ मा सरुवा हुन कर्मचारीले कमै चाहना राखेको स्रोतको भनाइ छ । खासगरी सुरक्षाका कारण प्रदेश २ मा कर्मचारीले जान इच्छा देखाएनन् ।  बुटवलमा कार्यालय व्यवस्थपनमा समस्या देखिएपछि कर्मचारीको चाहना बुटवलमा कम देखिएको मन्त्रालय स्रोतको भनाइ छ।

सरकारले आइतबार  सम्म प्रदेश १ मा १स य ५१, प्रदेश २ मा १ सय २९, प्रदेश ३ मा १ सय ३०, प्रदेश ४ मा १ सय ५४ कर्मचारी खटाएको छ । यसैगरी प्रदेश ५ मा १ सय ३९, प्रदेश ६ मा १ सय ४७ र प्रदेश ७ मा १ सय ३२ कर्मचारी खटाएको छ । सरकारले खटाएका कर्मचारीमध्ये प्रदेश १ मा ४३ प्रतिशत, प्रदेशमा २ मा ४७ दशमलव ८, प्रदेश ३ मा ५२ प्रतिशत, प्रदेश ४ मा ५८ प्रतिशत कर्मचारी तोकिएको ठाउँमा पुगी हाजिरीसमेत  गरिसकेको रेकर्ड मन्त्रालयसँग छ । यसैगरी प्रदेश ५ मा ४२ प्रतिशत, प्रदेश ६ मा ४५ प्रतिशत र प्रदेश ७ मा ४२ दशमलव ६ प्रतिशत कर्मचारी तोकिएको ठाउँमा पुगी हाजिरी गरिसकेको  मन्त्रालयले बताएको छ।

समान्य प्रशासन मन्त्रालयका सहसचिव नीता पोखरेलले सरकारले खटाएको ठाउँमा हाजिरी गर्न नगएका कर्मचारीलाई तत्काल हाजिरी गर्न ताकेता गरिरहेको बताइन् । उनले भनिन्, ‘हामीले टेलिफोन गरी सम्बन्धित कर्मचारीलाई तत्काल तोकेको ठाउँमा हाजिरी हुन ताकेता गरिरहेका छाैँ ।’ यसैगरी मन्त्रिपरिषद् तथा प्रधानमन्त्रीको कार्यालयले पनि   कर्मचारीलाई तत्काल हाजिर हुन निर्देशन दिएको छ । समान्य प्रशासन मन्त्रालयले खटाएका कर्मचारी बाहेक कानुन, लेखा, संसद र परराष्ट्र क्षेत्रबाट पनि सातवटै  प्रदेशमा कर्मचारी खटाइएको छ । यसरी खटाइएका कर्मचारीको संख्या २ सय ७५ रहेको छ।

सरकारले सातवटा प्रदेशमा प्रदेशसभा सचिवालय, प्रदेश प्रमुखको कार्यालय,  प्रदेश मन्त्रिपरिषद् तथा मुख्यमन्त्रीको कार्यालय र ६ वटा  प्रदेश मन्त्रालयमा कर्मचारी खटाएको छ । कर्मचारीको अभाव भएर प्रदेशको  कामकाजमा अबरोध आउने अवस्था नरहेको मन्त्रालयको भनाइ छ । सहसचिव पोखरेल भन्छिन्, ‘सातवटै प्रदेशमा कर्मचारीको अभाव हुन दिएका छैनाैं ।’

प्रतिक्रिया

1 कमेन्ट

    Comment Author

    Kyacee SB

    Bhrasta. Lai. Mirtu danda. Kanun. Banaya. Pradesh. Rojdainan.

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 1
यो खबर पढेर तपाईंलाई कस्तो महसुस भयो ?

यो पनि पढौँ

नेकपाको कानुनी विभाजन रोक्न दोस्रो तहका नेताहरु सक्रिय, पोखरेल र भुषालबीच भेटवार्ता
नेकपाको कानुनी विभाजन रोक्न दोस्रो तहका नेताहरु सक्रिय, पोखरेल र भुषालबीच भेटवार्ता
नयाँकिरण मावि मतदानस्थलमा मतदान स्थगित
नयाँकिरण मावि मतदानस्थलमा मतदान स्थगित
घाइते कांग्रेस उम्मेदवारकाे आई सि यु कक्षमा उपचार हुदै, अवस्था जटिल
घाइते कांग्रेस उम्मेदवारकाे आई सि यु कक्षमा उपचार हुदै, अवस्था जटिल
प्रधानमन्त्री अाेली र अध्यक्ष दाहालले प्रदेश नं २ काे प्रदेशसभालाई सम्बाेधन गर्दै !
प्रधानमन्त्री अाेली र अध्यक्ष दाहालले प्रदेश नं २ काे प्रदेशसभालाई सम्बाेधन गर्दै !
संचारमन्त्रीले ७० करोड बार्गेनिङ्ग गरेको दावीसहितको अडियो सार्वजानिक (अडियो)
संचारमन्त्रीले ७० करोड बार्गेनिङ्ग गरेको दावीसहितको अडियो सार्वजानिक (अडियो)
स्थायी कमिटी बैठक रोकेर ओली-दाहाल छलफलमा
स्थायी कमिटी बैठक रोकेर ओली-दाहाल छलफलमा
बकर इदमा आपसी सद्भाव र सम्मान बढेर जाने सभामुखको विश्वास
बकर इदमा आपसी सद्भाव र सम्मान बढेर जाने सभामुखको विश्वास
अस्ट्रेलियामा ज्यालावृद्धिको माग गर्दै दशौं हजारको जुलुस
अस्ट्रेलियामा ज्यालावृद्धिको माग गर्दै दशौं हजारको जुलुस
पत्याउनुहुन्छ ? एक कल फोन गर्न दुई दिन पैदल
पत्याउनुहुन्छ ? एक कल फोन गर्न दुई दिन पैदल
मध्यपूर्वकी नेपाली मोडल चाँदनी
मध्यपूर्वकी नेपाली मोडल चाँदनी

तपाईंले छुटाउनुभयो कि?