कोरियामा रहेका नेपालीबारे सभामुख महराको चासो, कोरिया नेपालको हाइड्रोपावरमा लगानी गर्न इच्छुक

Abhiyanpost Abhiyanpost
|
बिहिबार, चैत्र २९, २०७४
|
|
६१ पटक हेरिएको
Shares
कोरियामा रहेका नेपालीबारे सभामुख महराको चासो, कोरिया नेपालको हाइड्रोपावरमा लगानी गर्न इच्छुक

सारांश

  • काठमाडौं, २९ चैत ।
  • सभामुख कृष्णबहादुर महरा र गणतन्त्र कोरियाका सांसद एवं कोरिया–नेपाल संसदीय मैत्री संघका अध्यक्ष जु स्योङ योङबीच शिष्टाचार भेटवार्ता भएको छ ।
  • सभामुख महरा र जुबीच बुधबार (हिजो) संसद सचिवालय सिंहदरबारमा भेटवार्ता भएको हो ।

काठमाडौं, २९ चैत । सभामुख कृष्णबहादुर महरा र गणतन्त्र कोरियाका सांसद एवं कोरिया–नेपाल संसदीय मैत्री संघका अध्यक्ष जु स्योङ योङबीच शिष्टाचार भेटवार्ता भएको छ । सभामुख महरा र जुबीच बुधबार (हिजो) संसद सचिवालय सिंहदरबारमा भेटवार्ता भएको हो ।

भेटवार्तामा दुई देशबीचको सम्बन्ध प्रगाढ रहेको चर्चा गर्दै संसदीय अनुभव र अभ्यास आदान प्रदान गर्न संसदीय फ्रेन्डसीप ग्रुपलाई थप क्रियाशील बनाउनु पर्नेमा जोड दिइएको थियो ।

भेटका अवसरमा सभामुख महराले नेपालमा संघीय संसदको नयाँ अभ्यास शुरु गरेको भन्दै एक अर्कामा संसदीय अभ्यासको आदानप्रदानले दुई देशबीच राजनीतिक सम्बन्ध पनि थप सुमधुर हुने बताएका थिए । “संसदीय अभ्यास, अनुभव आदानप्रदान र सहकार्यले राजनीतिक सम्बन्ध पनि स्थापित हुन्छ”, महराले भने, “गणतन्त्र कोरियाबीच साँस्कृतिक सम्बन्ध पनि रहेको छ ।”

नेपालमा धेरै लगानी गर्ने देशहरुमध्ये कोरिया पनि प्रमुख लगानीकर्ता रहेको भन्दै सभामुख महराले अहिले हाइड्रो, मेडिकल औजार, होटेल व्यवस्थापन, इलेक्ट्रोनिक्सलगायतका क्षेत्रमा ठूलो लगानी रहेको बताए । नेपालमा हाइड्रो पावर सञ्चालनका लागि निकै अनुकूल रहेकाले त्यसतर्फ लगानीका लागि सम्बन्धित मन्त्रालय र सरकारसँग सहकार्य गर्न सभामुखले आग्रह गरे ।

नेपाली कामदारहरु ठूलो मात्रामा कोरियामा काम गर्न गएको बताउँदै सभामुख महराले नेपालीहरुको सुरक्षाका बारेमा चासो राखेका थिए । “अहिले कोरियामा नेपाली कामदारहरु ठूलो संख्यामा रहेका छन्”, उनले भने, “कोरियाले नेपालीहरुलाई दिँदै आएको अवसरको निरन्तरता होस् र अहिले रहेका नेपालीहरु सुरक्षित रहून् भन्ने हाम्रो मुख्य चासो रहेको छ ।”

सो अवसरमा कोरिया–नेपाल संसदीय मैत्री संघका अध्यक्ष तथा कोरियाली संसदका जु स्योङ योङले नेपालीहरु निकै मेहनती, नम्र र अनुशासित रहेको बताए । कोरियामा रहेका नेपालीहरु निकै इमान्दारीपूर्वक काम गरिरहेको भन्दै सांसद जुले नेपाली कामदारहरुको सुरक्षामा आफूहरु प्रतिबद्ध रहेको उल्लेख गरे ।

आफू कोरियाली संसदको पानीसम्बन्धी समितिको विशेषज्ञका रुपमा काम गरिरहेको भन्दै नेपालमा जलस्रोत प्रशस्त रहेकाले हाइड्रोमा राम्रो काम गर्न सकिने बताए । भूकम्पको बेला कोरियाले नेपाललाई गरेको सहयोगको स्मरण गर्दै जुले आफूहरुले नेपालको हाइड्रो पावरलगायत हरेक क्षेत्रमा लगानी गर्न इच्छुक रहेको बताए ।

जुसँगको भेटघाटमा नेपालका लागि गणतन्त्र कोरियाका राजदूतलगायतको टोली रहेको थियो भने संघीय संसदका महासचिव मनोहरप्रसाद भट्टराई, सहसचिव एवं संसदका प्रवक्ता डा.भरतराज गौतमलगायतको पनि उपस्थिति रहेको थियो ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

कतारको दुखेको घाउमा इरानले लगायो मल्हम
कतारको दुखेको घाउमा इरानले लगायो मल्हम
सङ्कटका बेला सतिसालझैँ उभिएका कमरेडहरूको भावना विपरीत कुनै निर्णय हुँदैन : उपमहासचिव ज्ञवाली
सङ्कटका बेला सतिसालझैँ उभिएका कमरेडहरूको भावना विपरीत कुनै निर्णय हुँदैन : उपमहासचिव ज्ञवाली
भव्यताका साथ मनाइयो संविधान दिवस
भव्यताका साथ मनाइयो संविधान दिवस
केटाको घाँटी र आँखा देख्दा सेक्स चाहना जाग्छ :माेडल एनि कुँवर
केटाको घाँटी र आँखा देख्दा सेक्स चाहना जाग्छ :माेडल एनि कुँवर
विप्लवलाई ठाउँका ठाउँ समात्ने निर्देशन, प्रहरी सक्रिय
विप्लवलाई ठाउँका ठाउँ समात्ने निर्देशन, प्रहरी सक्रिय
किम जोङ उनसँगको वार्ताका कारण डोनाल्ड ट्रम्पले पाउने भए त यति ठुलो पुरस्कार ?
म्याग्दीमा घोडादौड प्रतियोगिता सम्पन्न, दौडमा कास्कीका हितमान गुरुङ प्रथम
म्याग्दीमा घोडादौड प्रतियोगिता सम्पन्न, दौडमा कास्कीका हितमान गुरुङ प्रथम
आखिर प्रधानन्यायाधीश पराजुली सर्वोच्च अदालत गएनन्
आखिर प्रधानन्यायाधीश पराजुली सर्वोच्च अदालत गएनन्
विराटनगरमा निर्वाचन सामग्री वितरण
विराटनगरमा निर्वाचन सामग्री वितरण
कलेजो प्रत्यारोपण अब नेपाल मै सम्भब : १५ लाख भए पुग्ने
कलेजो प्रत्यारोपण अब नेपाल मै सम्भब : १५ लाख भए पुग्ने

तपाईंले छुटाउनुभयो कि?