ट्रम्पको दबाबपछि एफबीआईका उपनिर्देशकले दिए राजीनामा

Abhiyanpost Abhiyanpost
|
मंगलबार, माघ १६, २०७४
|
|
५८ पटक हेरिएको
Shares
ट्रम्पको दबाबपछि एफबीआईका उपनिर्देशकले दिए राजीनामा

सारांश

  • काठमाडाैं, माघ १६ ।
  • संयुक्त राज्य अमेरिकाको संघीय जाँच ब्युरो (एफबिआइ) का उपनिर्देशक एन्ड्रयु मकेबले दुई महिना लामो बिदा लिंदै आफ्नो जिम्मेवारी छाडेको समाचारहरुमा जनाइएको छ ।
  • यसअघि अमेरिकी राष्ट्रपति डोनल्ड ट्रम्पले मकेबमाथि राजनीतिक पूर्वाग्रहको आरोप लगाएका थिए ।

काठमाडाैं, माघ १६ । संयुक्त राज्य अमेरिकाको संघीय जाँच ब्युरो (एफबिआइ) का उपनिर्देशक एन्ड्रयु मकेबले दुई महिना लामो बिदा लिंदै आफ्नो जिम्मेवारी छाडेको समाचारहरुमा जनाइएको छ । यसअघि अमेरिकी राष्ट्रपति डोनल्ड ट्रम्पले मकेबमाथि राजनीतिक पूर्वाग्रहको आरोप लगाएका थिए ।

सिबिएस न्युजले आउँदो मार्च महिनामा कार्यकाल समाप्त हुनलागेका मकेबलाई पद छाड्न वाध्य पारिएको जनाएको छ । राष्ट्रपति ट्रम्पले एक साता अघि नै मकेबलाई पद छाड्न भनेको पनि बताइएको छ ।

राष्ट्रपति ट्रम्पले गत मे महिनामा एफबिआइका तत्कालिन निर्देशक जेम्स कोमीलाई पदबाट बर्खास्त गरेपछि मकेबले केही समय कार्यवाहक निर्देशकको रुपमा पनि काम गरेका थिए । सन् २०१६ को अमेरिकी राष्ट्रपतीय चुनावमा रुसले हस्तक्षेप गरेको भन्ने आरोपहरुबारे छानबिन गरिरहेको बेला ट्रम्पले कोमीलाई पदबाट बर्खास्त गरेका थिए ।

राष्ट्रपति ट्रम्पले रुसी हस्तक्षेप सम्बन्धी आरोपहरुको सधैं खण्डन गर्ने गरेका छन् । उनले एक ट्वीट गर्दै मकेब कोमीको साथी भएको आरोप पनि लगाएका थिए ।

मकेबकी श्रीमती डा. जील मकेबले भर्जिनिया राज्यमा डेमोक्रयाट पार्टीको तर्फबाट अमेरिकी सिनेटको चुनाव लडेकी थिइन् ।

गत साता द वाशिङटन पोष्ट समाचारपत्रले अमेरिकी राष्ट्रपतिको कार्यालयमा चिनजान गर्न डाकिएको एक बैठकमा राष्ट्रपति ट्रम्पले मकेबलाई सन् २०१६ को चुनावमा उनले कसलाई भोट हालेका थिए भनी सोधेको वर्तमान तथा भूतपूर्व अधिकारीहरुले जनाएको उद्धृत गरेको थियो । उनले आफुले कसैलाई पनि मतदान नगरेको भन्ने जवाफ दिएको पनि समाचारमा जनाइएको थियो ।

गत जुलाई महिनामा एक ट्वीट गर्दै राष्ट्रपति ट्रम्पले भनेका थिए, “समस्या के हो भने एफबिआइका कार्यवाहक निर्देशक एन्ड्रयु मकेबले हिलरी क्लिन्टनबाट आफ्नी श्रीमतीकालागि सात लाख डलर सहायता लिएका थिए ।”

ती आरोपहरुबारे मकेबले सार्वजनिकरुपमा कुनै टिप्पणी गरेका थिएनन् । संवाददाताहरु भन्छन्, राष्ट्रपति ट्रम्पमाथि कार्यकाल सकिन झण्डै दुई महिनामात्रै बाँकी रहेका एक वरिष्ठ अधिकारीलाई पद छाड्न वाध्य पारेको आरोप लाग्नसक्छ ।

मकेब आफ्नो पदावधि नसकिंदासम्मकालागि बिदामा बसेको पनि समाचारहरुमा जनाइएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

भारोत्तोलन एकेडमी निर्माणको काम दु्रत गतिमा हुँदै
भारोत्तोलन एकेडमी निर्माणको काम दु्रत गतिमा हुँदै
संसदको चालू हिउँदे अधिवेशनमै संविधान संशोधन हुन्छ : उपप्रधानमन्त्री यादव
संसदको चालू हिउँदे अधिवेशनमै संविधान संशोधन हुन्छ : उपप्रधानमन्त्री यादव
कोरोनाभाइरसका कारण जलवायु सम्मेलन पर सर्‍यो
कोरोनाभाइरसका कारण जलवायु सम्मेलन पर सर्‍यो
दोलखामा हिउँ खेल्न पर्यटकको घुइँचो
दोलखामा हिउँ खेल्न पर्यटकको घुइँचो
मोदी मन्त्रीमण्डलमा एस. जयशंकर बने विदेशमन्त्री, अमित शाह र राजनाथ सिंहलाई गृह र रक्षाको जिम्मेवारी
मोदी मन्त्रीमण्डलमा एस. जयशंकर बने विदेशमन्त्री, अमित शाह र राजनाथ सिंहलाई गृह र रक्षाको जिम्मेवारी
नख्खु विष्फोट किन गरायो विप्लव नेत्तृत्वको कम्यूनिष्ट पार्टीले ?
नख्खु विष्फोट किन गरायो विप्लव नेत्तृत्वको कम्यूनिष्ट पार्टीले ?
पर्यटकको रोजाइमा कञ्चनजङ्घा क्षेत्र
पर्यटकको रोजाइमा कञ्चनजङ्घा क्षेत्र
स्वस्थ समाज निर्माणमा भक्तपुरको ठूलो फड्को: १० हजारभन्दा बढी बालबालिका समेट्दै जिल्ला ‘पूर्ण खोप सुनिश्चित’
स्वस्थ समाज निर्माणमा भक्तपुरको ठूलो फड्को: १० हजारभन्दा बढी बालबालिका समेट्दै जिल्ला ‘पूर्ण खोप सुनिश्चित’
हरिवनको मेयरमा माओवादीका बुडाथोकी र उपमेयरमा एमालेकी घलान विजयी
हरिवनको मेयरमा माओवादीका बुडाथोकी र उपमेयरमा एमालेकी घलान विजयी
सुर्खेतमा जन्मिए पेटछाती जोडिएका जुम्ल्याहा बालिका
सुर्खेतमा जन्मिए पेटछाती जोडिएका जुम्ल्याहा बालिका

तपाईंले छुटाउनुभयो कि?