दुई चालकको दुर्घटनामा मृत्यु
सारांश
- नुवाकोट ।
- नुवाकोटमा भएका दुई छुट्टाछुट्टै दुर्घटनामा दुईजना चालकको मृत्यु भएको छ ।
- एकजनाको करेन्ट लागेर र अर्काको ट्याक्टर दुर्घटनाका कारण मृत्यु भएको हो ।
नुवाकोट । नुवाकोटमा भएका दुई छुट्टाछुट्टै दुर्घटनामा दुईजना चालकको मृत्यु भएको छ । एकजनाको करेन्ट लागेर र अर्काको ट्याक्टर दुर्घटनाका कारण मृत्यु भएको हो ।
गल्छी–देवीघाट सडक खण्डको खाल्टेमा करेण्ट लागेर लिखु गाउँपालिका – १ बराफेदी घर भएका ३३ वर्षीय ट्रक चालक भरत ढुङ्गानाको मृत्यु भएको छ ।
त्यसैगरी, पृथ्वी राजमार्गको गल्छीबाट नुवाकोट त्रिशूलीतर्फ फलामको बाकस बोकेर आउँदै गरेको ना ३ ख ४७६८ नम्बरको ट्रकलाई बिजुलीको तारले छुन लागेपछि ट्रकमाथि छतमा गई तार पन्छाउने क्रममा करेन्ट लागेको हो ।
त्यसैगरी लिखु गाउँपालिका–६ छहरेमा ना ६ त ८४५५ नम्ब्रको ट्रयाक्टर दुर्घटना हुँदा ट्रयाक्टरका चालक पर्सा वीरजञ्जका ३८ वर्षीय धर्मराज थारुको मृत्यु भएको प्रहरीले जनाएको छ ।
आइतबार बालुवा खसाल्ने क्रममा सडकबाट ५० मिटर तल खसेर भएको दुर्घटनामा गम्भीर घाइते भएको चालक थारुको राजधानीको ग्रीनसिटी अस्पतालमा उपचारका क्रममा मृत्यु भएको जिल्ला प्रहरी कार्यालयले जनाएको छ ।
प्रतिक्रिया