निर्मला पन्तको बलात्कारपछि हत्याको घटना छानविन गर्न उच्चस्तरीय छानविन समिति
सारांश
- काठमाडौं, ७ भदौ ।
- कञ्चनपुरमा बालिका निर्मला पन्तको बलात्कारपछि हत्या भएको घटनाको सत्यतथ्य छानबिन गर्न सरकारले उच्चस्तरीय छानबिन समिति गठन गरेको छ ।
- बलात्कारपछि हत्याको घटना र त्यसपछिको परिस्थितिबारे छानबिन गर्न सरकारले गृहमन्त्रालयका सहसचिव हरि मैनालीको नेतृत्वमा छानबिन समिति गठन गरेको हो ।
काठमाडौं, ७ भदौ । कञ्चनपुरमा बालिका निर्मला पन्तको बलात्कारपछि हत्या भएको घटनाको सत्यतथ्य छानबिन गर्न सरकारले उच्चस्तरीय छानबिन समिति गठन गरेको छ । बलात्कारपछि हत्याको घटना र त्यसपछिको परिस्थितिबारे छानबिन गर्न सरकारले गृहमन्त्रालयका सहसचिव हरि मैनालीको नेतृत्वमा छानबिन समिति गठन गरेको हो ।
उच्चस्तरीय छानविन समितिमा नेपाल प्रहरीका तीनजना डीआइजी सदस्य रहेका छन् । त्यस्तै, प्रदेश नम्बर सातको आन्तरिक मामिला मन्त्रालयका उपसचिव पनि छानबिन समितिका सदस्य रहेका छन् । कञ्चनपुर क्षेत्र नम्बर ३ का सांसद दीपक प्रकाश भट्टका अनुसार छानबिन समितिले भोलिबाटै आफ्नो काम थाल्ने छ ।
गत साउन १० गते बलात्कारपछि हत्या गरिएकी बालिका निर्मलाको हत्यामा संलग्न भएको अभियोगमा मानसिक सन्तुलन गुमाएका एकजना युवा पक्राउ परेपछि कञ्चनपुरमा चार दिनदेखि तनाव छ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया