नेपाल वायु सेवा निगमको नयाँ जहाज ‘ग्राउन्डेड’

नेपाल वायु सेवा निगमको नयाँ जहाज ‘अन्नपूर्ण’ को ब्रेकिङ सिस्टममा समस्या आएपछि ग्राउन्डेड भएको छ। यो जहाज निगमले असारमा भित्र्याएको थियो । एएआर कर्पोरेसनसँग खरिद गरिएको यो जहाजको ब्रेकिङ सिस्टम बिक्रीकर्ता कम्पनीबाट ल्याइने नेपाल वायु सेवा निगमले जनाएको छ। निगमले दिएको जानकारी अनुसार जहाज बन्न कम्तीमा चार /पाँच दिन लाग्छ।

जहाज ग्राउन्डेड भएपछि निगमको ठूलो राजस्व गुम्ने भएको छ। कर्मचारी सञ्चय कोष र नागरिक लगानी कोषसँग ऋण लिएर खरिद गरिएको जहाजले केही दिनको व्यवसाय गुमाउँदा पनि निगमलाई ब्याज तिर्ने रकम जोहो गर्न थप कठिनाई हुनेछ। निगमका जहाज बेलाबेलामा ग्राउन्डेड भइरहँदा राष्ट्रिय ध्वजाबहाकको शाखमा धक्का लागेको हो।

अन्तर्राष्ट्रिय उडानमा तीनवटा जहाज रहेको निगमले झण्डै ३० वर्ष पुरानो बोइङ ७५७ मर्मत गर्न मलेसिया पठाएको छ। नयाँ जहाज पनि ग्राउन्डेड भएको छ। आठवटा गन्तव्यमा उडान गरिरहेको निगमसँग अहिले अन्तर्राष्ट्रिय उडानमा एउटामात्र जहाज रहेको छ।