प्रदेश ४ को पहिलो वैठक आज बस्दै, तीनथरि पोशाक लगाउन पाइने
सारांश
- काठमाडौं, २२ माघ – संघीय संरचना स्थापनासँगै विभिन्न प्रदेशमा पहिलो वैठकको समय तोकिइसकेको छ ।
- आज सोमबार प्रदेश ४ को पहिलो प्रदेशसभा बैठक बस्दैछ ।
- प्रदेश ४ मा ६० जना प्रदेश सांसद रहेको प्रदेशसभाको लागि हिजो आइतबार नै प्रदेश संसदको अभ्यास बैठक बसिसकेको छ ।
काठमाडौं, २२ माघ – संघीय संरचना स्थापनासँगै विभिन्न प्रदेशमा पहिलो वैठकको समय तोकिइसकेको छ । आज सोमबार प्रदेश ४ को पहिलो प्रदेशसभा बैठक बस्दैछ । प्रदेश ४ मा ६० जना प्रदेश सांसद रहेको प्रदेशसभाको लागि हिजो आइतबार नै प्रदेश संसदको अभ्यास बैठक बसिसकेको छ ।
प्रदेश नम्बर ४ को प्रदेशसभा बैठक पोखरा नगरीको नदीपुरस्थित नगर विकास प्रशिक्षण केन्द्रको सभाकक्षमा हुँदैछ। वैठकका लागि सांसदहरुलाई पोसाक तोकिसकिएको छ ।
प्रदेशसभा बैठकमा उपस्थित हुन पुरुष र महिलालाई तीनथरि पोसाक तोकिएको छ । बैठकमा पुरुष सदस्यले दौरासुरुवाल र कोट वा सुट-प्यान्ट वा आ-आफ्नो जातीय पहिचानको सांस्कृतिक पोसाक लगाउन पाउनेछन् । महिला सदस्यका लागि साडीचोलो वा सुट-प्यान्ट वा जातीय पहिचानको सांस्कृति झल्किने पोसाक निर्धारण गरिएको छ।
सोमबार बिहान ११ बजे बस्ने बैठकका लागि सम्पूर्ण तयारी पूरा भैसकेको संसद् सचिवालयका सहसचिव जीवराज बुढाथोकीले बताए।
प्रतिक्रिया