बाँके दुर्घटना अपडेटः मृतकको संख्या ६ पुग्यो, १८ घाइते
सारांश
- काठमाडाै, २० असाेज ।
- पूर्वपश्चिम राजमार्गअन्तर्गत बाँकेमा आज (शनिबार) बिहान माइक्रो बस र ट्रक ठोक्किँदा मृत्यु हुनेको संख्या ६ पुगेको छ।
- उपचारका क्रममा दुई घाइतेको मृत्यु भएपछि मृतकको संख्या ६ पुगेको हो।
काठमाडाै, २० असाेज । पूर्वपश्चिम राजमार्गअन्तर्गत बाँकेमा आज (शनिबार) बिहान माइक्रो बस र ट्रक ठोक्किँदा मृत्यु हुनेको संख्या ६ पुगेको छ। उपचारका क्रममा दुई घाइतेको मृत्यु भएपछि मृतकको संख्या ६ पुगेको हो। दाङबाट नेपालगञ्ज आउँदै गरेको रा १ ख १६६२ नम्बरको हाइस माइक्रो बस र नेपालगञ्जबाट जाँदै गरेको लु १ ख ७७२९ नम्बरको ट्रक बाँकेको राप्ती सोनारीमा बिहान सवा ९ बजेतिर आपसमा ठोक्किएका हुन्।
इलाका प्रहरी कार्यालय कोहलपुरले दिएको जानकारीअनुुसार दाङको तुलसीपुर नगरपालिकाकी (वडा नम्बर खुलेको छैन।) ३० वर्षीय तुलसी रावत र सोही नगरपालिका वडा नम्बर ८ की २८ वर्षीय वसन्ती चौधरीको उपचार गर्न ल्याउँदै गर्दा बाटामै मृत्यु भएको हो। घटनास्थलमा मृत्यु भएका चार जनाको भने अझै पहिचान खुल्न सकेको छैन। दुर्घटनामा बस चालकसमेत तीन पुरुष र तीन महिलाको मृत्यु भएको छ। अन्य १८ यात्रु घाइते भएको प्रहरीले जनाएको छ। उनीहरूको उपचार बाँकेको कोहलपुर मेडिकल कलेजमा प्रहरीले जनाएको छ।
प्रतिक्रिया