भरतपुरमा रेणुलाई मेयरको उम्मेदवार बनाउने प्रचण्डको संकेत

नेकपा माओवादी केन्द्रका अध्यक्ष पुष्पकमल दाहाल प्रचण्डले भरतपुर महानगरपालिकामा रेनु दाहाललाई पुनः मेयरको उम्मेदवारका रुपमा अगाडि सार्ने संकेत गरेका छन् । उनले भरतपुरमा बढीभन्दा बढी समय दिदै भ्रमणहरु गर्न थालेका छन् ।

आज भरतपुरमा आयोजित भूमिहीन दलितहरुलाई लालपूर्जा समेत वितरण गरेर प्रचण्डले चुनावी माहोल आफू र छोरी रेनुको पक्षमा पार्ने रणनीति समेत चालेको देखियो । उनले रेनुको खुलेर प्रशंशा गरे ।

रेनुको कामले अब प्रचण्डकी छोरी भन्ने भन्दा पनि आफूलाई रेनुको बुवा भन्ने अवस्था आएको टिप्पणी गरे । उनले त्यसप्रति गर्व लागेको समेत बताए ।

प्रचण्डले भने, ‘पहिले निर्वाचनमा रेणु यहाँ आउँदा प्रचण्डको छोरी भन्थे । अहिले आउँदा प्रचण्डकी छोरी होइन, रेनुको बुवा प्रचण्ड भएको छ ।’ रेनुको राजनीतिमा आफ्नै त्याग तपस्या रहेको र मिहेनतले यहाँसम्म आएको तर्क गरे ।

प्रचण्डले बढभन्दा बढी पालिकाहरुमा महिलालाई प्रमुख बनाउने योजना रहेको समेत बताए । उनले रेनुलाई पुनः भरतपुरमा अगाडि सार्ने संकेत गरे ।

विगतमा पनि भरतपुर पुगेर उनले रेनुको प्रशंशा गर्दै आएका छन् । भरतपुरमा देशभरमा सबैभन्दा बढी विकास भएको दाबी गर्दै विकास हेर्न भरतपुर आउन समेत भने । उनले रेनुको लोकप्रीयता बढेको र देशभित्र मात्र नभई विदेशमा समेत लोकप्रीय भएको दाबी गरेका थिए ।

(Xanax)