रुकुम(पश्चिम)का २ मतदान केन्द्र : पुनः मतदानमा कम मत खस्यो

Abhiyanpost Abhiyanpost
|
शुक्रबार, मंसिर १५, २०७४
|
|
७५ पटक हेरिएको
Shares
रुकुम(पश्चिम)का २ मतदान केन्द्र : पुनः मतदानमा कम मत खस्यो

सारांश

  • रुकुम(पश्चिम)का २ मतदान केन्द्रमा शुक्रबार भएको पुनः मतदानमा आइतबारको तुलनामा कम मत खसेको छ ।
  • बाँफिकोट गाउँपालिका ५ को रत्न आधारभुत विद्यालय काँडा मतदान स्थलको (क) मतदान केन्द्रमा प्रतिनिधि सभा सदस्यका लागि भएको पुनः मतदानमा ५९.
  • ०७ प्रतिशत अर्थात् ३ सय ९७ मत खसेको छ ।

रुकुम(पश्चिम)का २ मतदान केन्द्रमा शुक्रबार भएको पुनः मतदानमा आइतबारको तुलनामा कम मत खसेको छ । बाँफिकोट गाउँपालिका ५ को रत्न आधारभुत विद्यालय काँडा मतदान स्थलको (क) मतदान केन्द्रमा प्रतिनिधि सभा सदस्यका लागि भएको पुनः मतदानमा ५९.०७ प्रतिशत अर्थात् ३ सय ९७ मत खसेको छ । आइतबार भएको मतदानमा उक्त केन्द्रमा ६३.८३ प्रतिशत् अर्थात् ४ सय २९ मत खसेको थियो ।

यस मतदान केन्द्रमा ३२ मत कम खस्यो । यसलाई आइतबारको तुलनामा त्यति कम मत मान्न नहुने मतदान अधिकृत तेजप्रसाद पौडेलले बताए । मतदानका लागि गाउँ आएकाहरु कार्य क्षेत्र तर्फ फर्किएकाले आईतबारको तुलनामा केहि कम मत खसेको हुन सक्ने उनले बताए । आइतबार २ सय ४६ ओटा मत खसेका बेला मतपेटिकामा एसिड खसालिएपछि मतदान स्थगित भएको थियो ।

त्यस्तै आठविसकोट नगरपालिका ११ को नेपाल राष्ट्रिय मावि गतसैना मतदान स्थलको (ख) मतदान केन्द्रमा भने ५० प्रतिशत पनि मत खसेन । ७ सय ५६ मतदाता रहेको उक्त मतदान केन्द्रमा जम्मा ४२.४६ प्रतिशत अर्थात ३ सय २१ मत खसेको हो । आइतबार भएको मतदानमा उक्त मतदान केन्द्रमा ६५.३४ प्रतिशत अर्थात् ४ सय ९४ मत खसेको थियो । पुनः मतदानमा १ सय ७३ मत कम खसेको हो ।

समानुपातिक सदस्यका लागि मतदातामा खासै उत्साह नदेखिएका कारण आइतबारको तुलनामा कम मत खसेको देखिएको मतदान अधिकृत कर्ण कुवँरले बताए । प्रत्यक्षमा जस्तो सामानुपातिकमा प्रतिस्पर्धा नहुने भएकाले पनि मतदातामा उत्साह कम देखिएको हुन सक्ने उनको भनाई छ । आईतबार ३ सय ३ मत खसेको अवस्थामा उक्त मतदान केन्द्रमा मतदान स्थगित भएको थियो ।

मतपत्रमा राखेर मतपेटिकामा एसिड खसालिदा मतपेटिकामा आगलागि भएपछि जिल्लाका २ मतदान केन्द्रमा मतदान स्थगित भएको थियो ।

शान्तिपूर्ण वातावरणमा मतदान

आइतबार मतदान स्थगित भएपछि यी दुई मतदान केन्द्रलाई सुरक्षाका दृष्टिकोणले संवेदनशिल मानिएको थियो । सोही अनुसार सुरक्षा व्यवस्था समेत मिलाईएको थियो । जसका कारण दुवै मतदान केन्द्रमा शान्तिपुर्ण वातावरणमा पुनःमतदान सम्पन्न भएको मुख्य निर्वाचन अधिकृतको कार्यालय रुकुम(पश्चिम)ले जनाएको छ । आइतबार मतदाताले मतदान केन्द्रमा एसिड छिराउन सफल भएपछि मतदातालाई कडा चेकजाच गरेर मात्र मतदान केन्द्रमा छिराइएको थियो ।

मतपेटिका सदरमुकाम ल्याइदै

पुनः मतदान सम्पन्न भएसँगै जिल्लाका २ मतदान केन्द्रबाट मतपेटिका सदरमुकाम ओसार्ने काम पनि सुरु भएको छ । बाँफिकोट ५ बाट शुक्रबारै साँझसम्म मतपेटिका सदरमुकाम आइसक्ने र आठविसकोटबाट शनिबार दिउँसोसम्म मतपेटिका सदरमुकाम आइसक्ने जिल्ला सुरक्षा समितिका संयोजक एवं प्रमुख जिल्ला अधिकारी वंशिकुमार आचार्यले जानकारी दिए ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

टीकाकाे भाेलिपल्ट आन्तरिक हवाई भाडादर सार्वजनिक
टीकाकाे भाेलिपल्ट आन्तरिक हवाई भाडादर सार्वजनिक
अबदेखि मलेसिया कामदार पठाउँदा बिचौलिया कम्पनी र एजेन्टको प्रवेश निशेध
अबदेखि मलेसिया कामदार पठाउँदा बिचौलिया कम्पनी र एजेन्टको प्रवेश निशेध
गोरखा घैरुङमा प्राइम कमर्सियल बैंकको शाखा
गोरखा घैरुङमा प्राइम कमर्सियल बैंकको शाखा
त्रिशुलीमा बस खस्दा पाँचजनाको मृत्यु, १३ जना घाइते र २३ जनाको उद्धार
त्रिशुलीमा बस खस्दा पाँचजनाको मृत्यु, १३ जना घाइते र २३ जनाको उद्धार
अाइपिएलमा सबैभन्दा कान्छा मुजिब, तेस्राेमा सन्दिप
अाइपिएलमा सबैभन्दा कान्छा मुजिब, तेस्राेमा सन्दिप
टीकापुर हत्याकाण्डका मुख्य आरोपी रेशम चौधरीलाई सरकारले दियो १ करोड ७४ लाख !
टीकापुर हत्याकाण्डका मुख्य आरोपी रेशम चौधरीलाई सरकारले दियो १ करोड ७४ लाख !
सानेपा हत्याकाण्डको पोष्टमार्टम रिपोर्टले यौन दुर्व्यवहारको संकेतसम्म नभएको ठहर
सानेपा हत्याकाण्डको पोष्टमार्टम रिपोर्टले यौन दुर्व्यवहारको संकेतसम्म नभएको ठहर
मालवाहक सवारीलाई अनिवार्य भारमापन गर्न निर्देशन
मालवाहक सवारीलाई अनिवार्य भारमापन गर्न निर्देशन
धनको आवाजमा मरिष्का र प्रमोद
धनको आवाजमा मरिष्का र प्रमोद
‘शान्ति प्रक्रियाका बाँकी काम यथाशीघ्र पूरा गर’
‘शान्ति प्रक्रियाका बाँकी काम यथाशीघ्र पूरा गर’

तपाईंले छुटाउनुभयो कि?