वाइडबडी खरिद गर्ने मन्त्रीको काम होईनः पूर्वमन्त्री शाही
सारांश
- काठमाडौं, १९ पुस ।
- पूर्व पर्यटनमन्त्री जीवनबहादुर शाहीले वाइडबडी खरिदको छानबिन प्रतिवेदन अपरिपक्व रहेको बताएका छन् ।
- सर्वोच्च अदालतले विमान खरिद प्रक्रिया सार्वजनिक खरिद ऐन सम्मत रहेको फैसला गरेको बताउँदै उनले उपसमितिले प्रतिवेदन पेश गर्न हतार गरेको दाबी गरे ।
काठमाडौं, १९ पुस । पूर्व पर्यटनमन्त्री जीवनबहादुर शाहीले वाइडबडी खरिदको छानबिन प्रतिवेदन अपरिपक्व रहेको बताएका छन् । सर्वोच्च अदालतले विमान खरिद प्रक्रिया सार्वजनिक खरिद ऐन सम्मत रहेको फैसला गरेको बताउँदै उनले उपसमितिले प्रतिवेदन पेश गर्न हतार गरेको दाबी गरे ।
मन्त्री शाहीले आफ्नो कार्यकाल ४ महिनामात्रै रहेकाले दोष लगाउनुको कुनै कारण नभएको बताए । विमान खरिदमा मन्त्रीभन्दा पनि सम्बन्धित विज्ञ टोलीको बढी जिम्मेवारी हुने उनको भनाई छ । उनीमाथि सार्वजनिक खरिद कानुन विपरित विमानखरिद प्रक्रिया अघि बढाइएको, पर्यटन सचिवलाई निर्देशन दिन नसकेको र बैना रकम सटहीमा यथेष्ठ सतर्कता नअपनाएको आरोप छ ।
पूर्वमन्त्री शाहीले छोटो कार्यकालमा ठूलो नैतिक जिम्मेवारी उठाउन नसकिने बताएका छन् । कांग्रेस नेता समेत रहेका शाहीले उपसमितिको प्रतिवेदनमा विश्वास गर्न नसकिने भन्दै विमान खरिद प्राविधिक टोली र खरिद सम्झौता भएको कम्पनीको कागजपत्र चेकजाँच गर्नुपर्ने बताए ।
संसदीय छानविन उपसमितिले शाही पनि दोषी देखिएको भन्दै कानुन सम्मत कारबाहीका लागि सिफारिस गरेको छ ।
प्रतिक्रिया