विराटनगर,इटहरी,धरानमा कांगेसको अग्रता कायमै (हेर्नुहोस् पछिल्लो अपडेट)

काठमाडौँ: प्रदेश नम्बर एकका तीन ठूला सहरको मेयर पदको पछिल्लोमा मतगणनामा नेपाली कांग्रेसले सुरुआती अग्रता कायमै राखेको छ।विराटनगर महानगरपालिका, इटहरी र धरान उप–महानगरपालिकाको मतगणनामा आफ्नो परम्परागत प्रतिद्वन्द्वी नेकपा एमालेलाई कांग्रेसले पछाडि छाडेको हो।

विराटनगर महानगरपालिकाको मेयर पदमा कांग्रेसका भीम पराजुलीले ६७७ मतको अन्तर बनाएका छन्। उनले एमालेका विनोद ढकालविरुद्ध २३५३ मत प्राप्त गरेका छन्। ढकालको १६७६ मत छ।

विराटनगर महानगरपालिका

उम्मेदवार मेयर उपमेयर

नेपाली कांग्रेस २६५०\२३२३

एमाले/ लोकतान्त्रिक फो १९७०\११८८

समाजवादी फोरम / मा के१३५०\९६०

त्यस्तै, एमालेको गढ मानिने इटहरी उप–महानगरपालिकामा कांग्रेसका रोहित प्रसाईले अहिले १ सय ७५ मतले अग्रता लिइरहेका छन्। भने उप मेयरमा २ सय ८४ मतले पछि एमाले रहेको छ ।

एमालेका द्वारिकालाल चौधरीले ३५३७ मत पाएका छन् भने उपमेयरमा लक्ष्मी गौतमले ३४२४ मत पाएकी छन्।

यसैगरी धरान उपमहानगरमा कांग्रेसका तिलक राईले १ सय ८३ मतले अग्रता बनाएका छन्। सार्वजनिक भएको पछिल्लो मत परिणाम अनुसार राईले २११७ मत पाएका छन् भने उपमेयरमा पनि कांग्रेसकी उम्मेद्वारले २०९६ मत पाएकी छन्।यस्तै एमालेका उम्मेद्वार तारा सुब्बाले १९३४ मत पाएका छन भने उपमेयरमा २०२० मत पाएका छन्।