सर्वोच्चको आदेशले ७ मन्त्रीको पद चैट

दश वर्ष लामो जनयुद्धमा सक्रिय भएका ७ जना नेताहरुले पुष्पकमल दाहाल प्रचण्डलाई छाडेर केपी शर्मा ओलीको साथमा जाँदा मन्त्री बन्नकै लागि गरेको आरोप लागेको थियो । माओवादी जनयुद्ध देखि विभिन्न समयका संघर्षमा उनीहरुले महत्वपूर्ण भूमिका खेलेकाले प्रचण्डको साथ छाडिहाल्लान् भन्ने विश्वास कमैलाई थियो । स्वयं प्रचण्डले पनि त्यो कल्पना नगरेको सार्वजनिक रुपमा बताइसकेका छन् ।

ओलीलाई साथ दिएर मन्त्री पद जोगिएका, मन्त्री बनेका ७ जनाको सर्वोच्च अदालतको आदेशले पद स्वतः गएको छ । उनीहरुको दोस्रोपटक मन्त्री पदमा नियुक्तिलाई बदर गरेपछि स्वतः पदमुक्त भएका हुन् ।

पदमुक्त हुनेहरुमध्ये टोपबहादुर रायमाझी, लेखराज भट्ट, प्रभु साह र गौरीशंकर चौधरी प्रतिनिधि सभामा प्रत्यक्षतर्फ निर्वाचित सांसद थिए । बादल राष्ट्रिय सभाका निर्वाचित सांसद थिए । दल त्याग गरेपछि उनीहरुको पद माओवादी केन्द्रले सांसद पदबाट हटाउन पत्र लेखेपछि स्वतः पद गएको थियो । मणि थापा र दावा लामा भने सांसद थिएनन् ।

माओवादी पृष्ठभूमिका ७ नेताहरुले अहिले एमालेको संगठनमा महत्वपूर्ण जिम्मेवारी पाएका छन् । तर, उनीहरुको मन्त्री पद भने गएको छ । यसले राजनीतिमा निर्क अर्थ राख्ने देखिएको छ ।

सर्वोच्चको आदेशबाट पदमुक्त भएकाहरु
रामबहादुर थापा बादल, गृह
टोपबहादुर रायमाझी, ऊर्जा
लेखराज भट्ट, पूर्व उद्दोग
प्रभु साह, पूर्व सहरी विकास
गौरीशंकर चौधरी, श्रम
मणि थापा, खानेपानी
दावा लामा, खेलकुद

(inboundrem.com)