सिके राउतले सरकारलाई धाेका दिएका हुन् ?
सारांश
- काठमाडाैं।
- सरकारसँग सम्झौता गरेको दुई दिन नबित्दै स्वतन्त्र मधेस गठबन्धनका संयोजक डा.
- सीके राउतका कार्यकर्ताले जनकपुरमा जनमत संग्रह र स्वतन्त्र मधेसको नारा लगाएका छन् ।
काठमाडाैं। सरकारसँग सम्झौता गरेको दुई दिन नबित्दै स्वतन्त्र मधेस गठबन्धनका संयोजक डा. सीके राउतका कार्यकर्ताले जनकपुरमा जनमत संग्रह र स्वतन्त्र मधेसको नारा लगाएका छन् । राउतका कार्यकर्ताको यस्तो व्यवहारले मुलुकको भौगोलिक अखण्डता र सार्वभौमसत्ताप्रति गम्भीर चुनौती थपिएको छ ।
गठबन्धनका कार्यकर्ताले जनकपुरधाम विमानस्थललाई अघोषित रूपमा कब्जा गरी स्वतन्त्र मधेसको नारा लगाएका थिए । स्वतन्त्र मधेसको नारा लगाउनु पृथकतावादी कार्य रहेको टिप्पणी विश्लेषकहरूले गरेका छन् ।
बिहीबार अदालतको आदेशबाट रिहा भएपछि शुक्रबार सरकारसँग राउतले नेपालको अखण्डता तथा सार्वभौमिकतामा आँच आउने कुनै क्रियाकलाप नगर्ने सम्झौता गरेका थिए । राउतलाई स्वागत गर्न पुगेका गठबन्धनका कार्यकर्ताले विमानस्थललाई चारैतिरबाट घेरा हालेका थिए । रौतहट जान जनकपुरधाम विमानस्थल पुगेका राउतलाई स्वागत गर्न पुगेका गठबन्धनका कार्यकर्ताले स्वतन्त्र मधेस चाहियो भनेर नाराबाजीसमेत गरेका थिए । राउतका कार्यकर्ताले स्वतन्त्र मधेस माग गर्दै सम्झौता मात्रै उल्लंघन गरेनन्, संविधानका विभिन्न धारामाथि समेत आक्रमण गरेका छन् ।
संविधानको धारा २७४ मा नेपालको सार्वभौमिकता, भौगोलिक अखण्डता, स्वाधीनता र जनतामा निहित सार्वभौमसत्ताको प्रतिकूल हुने गरी संविधान संशोधन गर्न नसकिने उल्लेख छ । राउतका कार्यकर्ताले संविधानको सो धाराविपरीत हुने गरी छुट्टै मधेस राज्यको माग गरेका छन् । राउतले दुई दिनअघि सरकारसँग गरेको सहमतिमा स्वतन्त्र मधेसको माग त्याग्ने र मुलुकको सार्वभौमिकता, स्वतन्त्रता र अखण्डता स्विकार्ने प्रतिबद्धता जनाएका थिए । तर, उनका कार्यकर्ताले सो सहमतिको धज्जी उडाएका हुन् ।
संविधानको धारा ४८ मा हरेक नागरिकले राष्ट्रप्रति निष्ठावान् हुँदै नेपालको राष्ट्रियता, सार्वभौमसत्ता र अखण्डताको रक्षा गर्नु, संविधान र कानुनको पालना गर्नु प्रमुख कर्तव्य हुने उल्लेख छ । राउतका कार्यकर्ताले संविधानको सो प्रावधानविपरीत नागरिकको कर्तव्यसमेत भुलेको पाइएको छ । यसैगरी, संविधानको धारा ५ मा नेपालको स्वतन्त्रता, सार्वभौमसत्ता, भौगोलिक अखण्डता, राष्ट्रियता र स्वाधीनताको रक्षा गर्नु राष्ट्रिय हितको आधारभूत विषय हुने उल्लेख छ । सीके राउतका कार्यकर्ताले संविधानको सो धाराविपरीत कार्य गर्दै राष्ट्रहितमाथि समेत प्रहार गरेको पाइएको छ ।
यता, राउत र सरकारबीचको सम्झौताको विषयमा प्रतिक्रिया लिन विमानस्थल पुगेका सञ्चारकर्मीलाई राउतका निजी सुरक्षा गार्डले दुव्र्यवहार गरेका छन् । राउतसँग सञ्चारकर्मीले कुरा गर्न खोजेपछि गठबन्धनका कार्यकर्ताले धकेलेका थिए ।
कुल कमेन्ट:
0
Abhiyan Post
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया