सडक पूर्वाधार जोगाउन ओभरलोडमा कडाइ: प्रस्तावित नयाँ विधेयकमा ५ लाखसम्म जरिवानाको व्यवस्था

Asmita-Newsdesk Asmita-Newsdesk
|
आइतबार, श्रावण ३१, २०८३
|
|
२६ पटक हेरिएको
Shares
सडक पूर्वाधार जोगाउन ओभरलोडमा कडाइ: प्रस्तावित नयाँ विधेयकमा ५ लाखसम्म जरिवानाको व्यवस्था

सारांश

  • सार्वजनिक पूर्वाधारको दीर्घकालीन संरक्षण र राज्यको सार्वजनिक पूर्वाधारमा भएको ठूलो लगानी संरक्षण गर्न  सरकारले मालवाहक सवारीसाधनको भारवहन नियमनमा उच्च कडाइ गर्ने तयारी थालेको छ।
  • प्रस्तावित ‘सार्वजनिक सडक विधेयक’ मार्फत तोकिएको क्षमताभन्दा बढी भार बोक्ने सवारी धनीलाई पाँच लाख रुपैयाँसम्म जरिवाना प्रस्ताव गरिएको छ।
  • विशेषगरी काठमाडौँ–वीरगञ्ज तथा बुटवल–नारायणगढ करिडोरका सडक तथा पुलमा क्षति पुग्नुको एउटा प्रमुख कारण ओभरलोड रहेको राष्ट्रिय योजना आयोगले जनाएको छ।

सार्वजनिक पूर्वाधारको दीर्घकालीन संरक्षण र राज्यको सार्वजनिक पूर्वाधारमा भएको ठूलो लगानी संरक्षण गर्न  सरकारले मालवाहक सवारीसाधनको भारवहन नियमनमा उच्च कडाइ गर्ने तयारी थालेको छ। प्रस्तावित ‘सार्वजनिक सडक विधेयक’ मार्फत तोकिएको क्षमताभन्दा बढी भार बोक्ने सवारी धनीलाई पाँच लाख रुपैयाँसम्म जरिवाना प्रस्ताव गरिएको छ।

विशेषगरी काठमाडौँ–वीरगञ्ज तथा बुटवल–नारायणगढ करिडोरका सडक तथा पुलमा क्षति पुग्नुको एउटा प्रमुख कारण ओभरलोड रहेको राष्ट्रिय योजना आयोगले जनाएको छ। प्रतिकिलोमिटर २५ देखि ३० करोड रुपैयाँसम्मको लागतमा बन्ने आधुनिक सडक जोगाउन एक्सल लोडको कानूनी सीमा (१०.२ टन) अनिवार्य रूपमा पालना गराउन खोजिएको आयोगका सदस्य अर्जुनजंग थापाले स्पष्ट पार्नुभएको छ।

अत्यधिक ओभरलोड नियन्त्रणका लागि चालिएको यो कदमको कार्यान्वयन भने सडक विभाग र सम्बन्धित प्रदेश सरकारको समन्वयमा पूर्वस्वीकृतिका आधारमा अघि बढाइनेछ। टुक्राउन नसकिने जलविद्युत्का ठूला उपकरण ढुवानीका लागि भने विशेष व्यवस्था गरी डाइभर्सन वा टेकाको खर्च आयोजना स्वयंले व्यहोर्नुपर्ने गरी लचिलो नीति अपनाइनेछ।

अर्कोतर्फ, नेपाल ट्रक यातायात व्यवसायी महासंघका अध्यक्ष राजेन्द्र विक्रम बानियाँले पाँच लाख रुपैयाँसम्मको जरिवाना रकम अत्यधिक भएको भन्दै संशोधनको माग गर्नुभएको छ। यद्यपि आयोगले कानुनी सीमाभित्र भार बोक्ने सवारीसाधनलाई जरिवाना नलाग्ने आयोगले स्पष्ट पारेको छ। नयाँ व्यवस्थाले सडक तथा पुलमा हुने क्षति न्यूनीकरणमा सहयोग पुग्ने अपेक्षा गरिएको छ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

तपाईंले छुटाउनुभयो कि?