चितवनमा विद्यालय बसको गति ४० किमीमा सीमित, स्पीड गभर्नर अनिवार्य

Asmita-Newsdesk Asmita-Newsdesk
|
सोमबार, भाद्र १, २०८३
|
|
४४ पटक हेरिएको
Shares
चितवनमा विद्यालय बसको गति ४० किमीमा सीमित, स्पीड गभर्नर अनिवार्य

सारांश

  • विद्यार्थी सुरक्षालाई पहिलो प्राथमिकतामा राख्दै चितवन जिल्ला प्रशासन कार्यालयले विद्यालयका बस तथा अन्य सवारीसाधनको सञ्चालनमा नयाँ व्यवस्था लागू गर्ने निर्णय गरेको छ।
  •  बढ्दो सडक दुर्घटनाको जोखिम न्यूनीकरण गरी विद्यार्थीको यात्रालाई सुरक्षित बनाउन आइतबार बसेको सरोकारवालाहरूको समन्वय बैठकले विद्यालय सवारीको अधिकतम गति सीमा निर्धारण गर्ने निर्णय गरेको हो।
  • प्रमुख जिल्ला अधिकारी गणेश अर्यालको संयोजकत्वमा जिल्ला प्रशासन कार्यालयमा सम्पन्न बैठकले जिल्लाभित्र सञ्चालित सामुदायिक तथा संस्थागत दुवै किसिमका विद्यालयका सवारीसाधनको गति प्रतिघण्टा अधिकतम ४० किलोमिटरमा सीमित गर्ने निष्कर्ष निकालेको छ।

विद्यार्थी सुरक्षालाई पहिलो प्राथमिकतामा राख्दै चितवन जिल्ला प्रशासन कार्यालयले विद्यालयका बस तथा अन्य सवारीसाधनको सञ्चालनमा नयाँ व्यवस्था लागू गर्ने निर्णय गरेको छ। बढ्दो सडक दुर्घटनाको जोखिम न्यूनीकरण गरी विद्यार्थीको यात्रालाई सुरक्षित बनाउन आइतबार बसेको सरोकारवालाहरूको समन्वय बैठकले विद्यालय सवारीको अधिकतम गति सीमा निर्धारण गर्ने निर्णय गरेको हो।

प्रमुख जिल्ला अधिकारी गणेश अर्यालको संयोजकत्वमा जिल्ला प्रशासन कार्यालयमा सम्पन्न बैठकले जिल्लाभित्र सञ्चालित सामुदायिक तथा संस्थागत दुवै किसिमका विद्यालयका सवारीसाधनको गति प्रतिघण्टा अधिकतम ४० किलोमिटरमा सीमित गर्ने निष्कर्ष निकालेको छ। तीव्र गतिका कारण दुर्घटनाको जोखिम बढ्ने भएकाले यस निर्णयलाई कडाइका साथ कार्यान्वयन गरिने बताइएको छ।

उक्त नयाँ व्यवस्थाअनुसार अब सबै विद्यालयले १५ दिनभित्र आफ्ना सवारीसाधनमा उपयुक्त गति नियन्त्रण उपकरण (स्पीड गभर्नर) जडान गरिसक्नुपर्नेछ। तोकिएको अवधिभित्र प्रविधि जडान नगर्ने वा नियम उल्लंघन गर्ने विद्यालयका सवारीसाधनलाई सञ्चालनमा रोक लगाइने प्रशासनले जनाएको छ।

नियमको सफल कार्यान्वयन र प्राविधिक अनुगमनको जिम्मेवारी जिल्ला ट्राफिक प्रहरी कार्यालय तथा जिल्ला प्रहरी कार्यालय चितवनलाई दिइएको छ। यसका साथै विद्यालयहरूले आफ्ना चालकलाई गाडी हाँक्न दिनुअघि दैनिक रूपमा मादक पदार्थ सेवन (मापसे) परीक्षण गरी त्यसको नियमित अभिलेख प्रहरी प्रशासनलाई बुझाउनुपर्ने व्यवस्थासमेत गरिएको छ।

निर्णय कार्यान्वयन भएमा विद्यालय सवारीको गति नियन्त्रण, चालकको नियमित परीक्षण तथा सवारीको प्राविधिक अवस्थाको निगरानीमा कडाइ हुने देखिन्छ। सवारीसाधनको नियमित यान्त्रिक परीक्षण तथा चालकहरूलाई समय-समयमा सडक सुरक्षासम्बन्धी अनुशिक्षण दिने कार्यलाई पनि अनिवार्य गरिएको छ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

माल्दिभ्समा १३ जनामा कोरोना संक्रमण, १३ अर्ब डलरको आपतकालीन कोष स्थापना
माल्दिभ्समा १३ जनामा कोरोना संक्रमण, १३ अर्ब डलरको आपतकालीन कोष स्थापना
आजको राशीफल
आजको राशीफल
गलकोट नपामा अपांगमैत्री  सार्वजनिक शौचालय निर्माण
गलकोट नपामा अपांगमैत्री सार्वजनिक शौचालय निर्माण
Flash News : ट्रीफरको ठक्करबाट चाहबिलमा एक महिलाको मृत्यु !!!
Flash News : ट्रीफरको ठक्करबाट चाहबिलमा एक महिलाको मृत्यु !!!
बिदा कटौती भएकोमा मुस्लिम संघको आपत्ति
बिदा कटौती भएकोमा मुस्लिम संघको आपत्ति
नारायणगढ—मुग्लिन सडकखण्डः समयमा काम नसकेपछि छानबिन गर्न निर्देशन : गृहमन्त्री थापा
नारायणगढ—मुग्लिन सडकखण्डः समयमा काम नसकेपछि छानबिन गर्न निर्देशन : गृहमन्त्री थापा
भोट माग्ने क्रममा कांग्रेस नेता निधि बेहोस भएपछि…..
भोट माग्ने क्रममा कांग्रेस नेता निधि बेहोस भएपछि…..
म कुनै काम पर्दा पछाडि गर्दिन : प्रधानमन्त्री ओली
म कुनै काम पर्दा पछाडि गर्दिन : प्रधानमन्त्री ओली
कांग्रेसमा विभागहरुको नाम र कार्य क्षेत्रमा पनि व्यापक हेरफेर
कांग्रेसमा विभागहरुको नाम र कार्य क्षेत्रमा पनि व्यापक हेरफेर
स्पा भनेको मसाजसेन्टर मात्र होईन मेडिकल उपचार पनि हो: मोहनराज पाण्डे (भिडियाेअन्तर्वार्ता)
स्पा भनेको मसाजसेन्टर मात्र होईन मेडिकल उपचार पनि हो: मोहनराज पाण्डे (भिडियाेअन्तर्वार्ता)

तपाईंले छुटाउनुभयो कि?