म कुनै काम पर्दा पछाडि गर्दिन : प्रधानमन्त्री ओली
सारांश
- काठमाडौं ।
- प्रधानमन्त्री केपी शर्मा ओलीले देशमा आउने सानातिना समस्या सजिलै हल हुने बताएका छन् ।
- छिन्नलता गीत पुरस्कार गुठीले आयोजना गरेको कार्यक्रममा बोल्दै प्रधानमन्त्री ओलीले जनताले आफूलाई देश बनाउने जिम्मेवारी दिएकोले त्यसलाई इमान्दारिताका साथ पुरा गर्ने बताए ।
काठमाडौं । प्रधानमन्त्री केपी शर्मा ओलीले देशमा आउने सानातिना समस्या सजिलै हल हुने बताएका छन् । छिन्नलता गीत पुरस्कार गुठीले आयोजना गरेको कार्यक्रममा बोल्दै प्रधानमन्त्री ओलीले जनताले आफूलाई देश बनाउने जिम्मेवारी दिएकोले त्यसलाई इमान्दारिताका साथ पुरा गर्ने बताए ।
“म कुनै पनि काम पर्दा पछाडि गर्दिनँ” प्रधानमन्त्री ओलीले भने, “भ्रष्टाचार गर्दिन । कसैलाई गर्न पनि दिन्न र सबै काम पारदर्शी ढंगले गर्छु ।”
समृद्ध नेपाल सुखी नेपालीको लक्ष्य जसरी पनि हासिल गर्ने प्रधानमन्त्री ओलीको भनाइ छ । प्रधानमन्त्री ओलीले नेपाली कला र साहित्यले सरकार र आफ्नो व्यक्तिगत तर्फबाट सदैव सहयोग रहने प्रतिवद्धता व्यक्त गरे ।
कार्यक्रममा ३६ औं छिन्नलता पुरस्कार तथा सम्मानबाट गायक ज्ञानेन्द्र गदाल, वसन्त क्षेत्री, संगीता प्रधान राना, मेलिना चाम्लिङ राई पुरस्कृत भएका छन् । यसैगरी राजनराज शिवाकोटी, शान्ति ठटाल, शिवशंकर थापा र कोमल वली सम्मानित भएका छन् ।
प्रतिक्रिया
Bharat Rai Rai
गरियो बिकास कालो धम्दाको भिलेन हो किनकि ३३किलो सुन प्रकरणलाइ किन गुमनाम गरिन्दैछ