काठमाडौं महानगरपालिकाले अघि बढाएको सहरी सौन्दर्यता प्रबद्र्धन कार्यक्रमअन्तर्गत आज आयोजित सफाइ कार्यक्रममा मन्त्री महासेठले महानगरपालिकाले निरन्तर सहयोग गरेमा चाँडै काठमाडौंको सडक धुलोमुक्त हुने बताए ।
कलंकी–नागढुंगा सडक निर्माणलाई लिएर चर्को आलोचना भइरहेका बेला उनले मौसमको प्रतिकूलताले काममा ढिलाइ भएको बताए । सडक निर्माणमा ढिलाइ हुँदा धुँवा धूलो नियन्त्रणमा समस्या आएको र सडक निर्माण सकिएपछि जनताले यसबाट मुक्ति पाउने मन्त्री महासेठको भनाई छ ।
यस्तै, महानगरपालिकाका मेयर विद्यासुन्दर शाक्यले अव्यवस्थित निर्माण कार्यले धूलोको समस्या बढेको गुनासो गरे । काठमाडौलाई धुँवाधूलो मुक्त पार्न सबैले आफ्नो ठाउँबाट दायित्व बोध गर्नुपर्नेमा मेयर शाक्यले जोड दिए ।
प्रतिक्रिया