किसानका केरा फाँड्नेहरु जेल चलान

काठमाडौं । चितवनको कालिका नगरपालिका–६ जुटपानीका किसानले लगाएको केरा बगानमा पसेर फाँडेको आरोपमा पक्राउ परेका जेल चलान भएका छन् ।

सार्वजनिक अपराध ऐनअन्तर्गत मुद्दा दर्ता गरिएको थियो । मुद्दा दर्तापछि फरार हुँदै आएका कालिका–६ बस्ने २१ वर्षीय अर्जुनकुमार डल्लाकोटीलाई पक्राउ गरी अदालतमा पेश गरिएको थियो । डल्लाकोटीलाई शुक्रबारै कारागार चलान गरिएको हो । जिल्ला अदालतले २ लाख ५० हजार रुपियाँ धरौटी मागेको थियो । धरौटी बुझाउन नसकेपछि उनलाई जेल चलान गरिएको चितवन प्रहरीले जनाएको छ ।

गत वैशाख १७ गते राति डल्लाकोटीसहितको एक समूहले चिया बगानमै पसेर केरा फँडानी गरेका थिए । केरा फँडान गर्दा ३ हजार ९४ बोट केरा काटिएका थिए । १२ जना किसानका १५ लाखभन्दा बढीको केरा फाँडेर नष्ट गरेका थिए।

मुद्दामा एक जना फरार रहेको र खोजी जारी रहेको प्रहरीले जनाएको छ। बाँकी ३ जना मुद्दामा पक्राउ परेका अन्य ५ जनालाई अदालतले २ लाख ५० हजार धरौटी माग गरेको र बुझाउन नसक्दा जेल चलान भएका थिए ।