ट्रम्पको स्वास्थ्य परीक्षणपछि कोरोना भाइरस नभएको पुष्टि
सारांश
- एजेन्सी, २ चैत्र ।
- अमेरिकी राष्ट्रपति डोनाल्ड ट्रम्पको कोरोना भाइरस परीक्षण भएको छ ।
- परीक्षणबाट उनलाई संक्रमण नभएको पुष्टि भएको छ ।
एजेन्सी, २ चैत्र । अमेरिकी राष्ट्रपति डोनाल्ड ट्रम्पको कोरोना भाइरस परीक्षण भएको छ । परीक्षणबाट उनलाई संक्रमण नभएको पुष्टि भएको छ ।
शनिबार साँझ उनको परीक्षण भएको ह्वाइट हाउसका फिजिसियन सिन कोल्नीले विज्ञप्तिमार्फत् भनेको सीएनएनले जनाएको छ । ट्रम्पले ब्राजिली डेलिगेसनलाई फ्लोरिडामा भेटेकोमध्ये केहीलाई कोरोना भाइरसको संक्रमण भेटिएकाले परीक्षण गरिएको हो ।
ब्राजिली राष्ट्रपति जैर बोल्सोनारोका प्रेस सचिवालय हेर्ने फाबियो वाजिनगार्टेनसँग साँझको सँगै खाना खाएको एक हप्तापछि ट्रम्पको परीक्षण भएको हो । फाबियोलाई कोरोना भाइरसको संक्रमण भएको छ ।
७३ वर्षीय ट्रम्पले आफूलाई संक्रमण नभएको र परीक्षण गर्न आवश्यक नरहेको बताउँदै आएका थिए । उनलाई परीक्षण गर्नुपर्ने दबाब बढेको थियो । बारम्बार प्रश्न उठ्न थालेपछि उनले परीक्षण गर्ने बताएका थिए ।
कुल कमेन्ट:
0
Abhiyan Post
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया