लिफ्टबाट पानी पुग्दा खुशीयाली
सारांश
- खलङ्गा, १० मङ्सिर (रासस) स् जुम्लाको तिला गाउँपालिका–१ रारा गाउँमा खानेपानी र सिँचाइको चरम समस्या खेप्दै आएका स्थानीयवासी लिफ्ट परियोजनाबाट पानी आउन थालेपछि हर्षित भएका छन् ।
- वडाध्यक्ष पुरबहादुर रावत गाउँपालिकाको रु ५० लाखको अनुदानमा करीब एक हजार २०० मिटर टाढाबाट लिफ्टद्वारा पानी गाउँमा लगिएको जानकारी दिनुभयो ।
- परियोजनाबाट सुख्खा खेतमा सिँचाइदेखि गाईगोरुलाई पानी पिलाउन राहत हुने स्थानीयवासी माने रावतले बताउनुभयो ।
खलङ्गा, १० मङ्सिर (रासस) स् जुम्लाको तिला गाउँपालिका–१ रारा गाउँमा खानेपानी र सिँचाइको चरम समस्या खेप्दै आएका स्थानीयवासी लिफ्ट परियोजनाबाट पानी आउन थालेपछि हर्षित भएका छन् ।
वडाध्यक्ष पुरबहादुर रावत गाउँपालिकाको रु ५० लाखको अनुदानमा करीब एक हजार २०० मिटर टाढाबाट लिफ्टद्वारा पानी गाउँमा लगिएको जानकारी दिनुभयो । परियोजनाबाट सुख्खा खेतमा सिँचाइदेखि गाईगोरुलाई पानी पिलाउन राहत हुने स्थानीयवासी माने रावतले बताउनुभयो । सो वडामा करीब २५० घरघुरी छ । स्थानीयवासी सरिता रावतले अब पानीका लागि घन्टौँ लाइन बस्न पर्ने समस्या अन्त्य हुने अपेक्षा व्यक्त गर्नुभयो ।
गाउँपालिका अध्यक्ष रतननाथ योगीले गाउँपालिकाका नौ वटै वडामध्ये सबैभन्दा बढी पानीको चरम समस्या भएको सो वडा भएकाले त्यहाँ प्राथमिकता दिइएको जनाउनुभयो ।
परियोजनाबाट सिँचाइ पनि सहज हुने भएकाले खेतमा लगाएका स्याउ र तरकारीखेती गर्न सजिलो हुने स्थानीयवासी शिव रावतले बताउनुभयो ।
प्रतिक्रिया