ओलीको कदम विरुद्ध देशव्यापी आन्दोलनको तयारी, हाइअलर्टमा सुरक्षा निकाय
काठमाडौं: पौष ६, प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद विघटन गरेपछि नेपालको राजनीतिमा फेरि अस्थिरता पैदा भएको छ । आइतबार बिहान बसेको मन्त्रिपरिषद बैठकपछि प्रधानमन्त्री ओलीले संसद विघटन गर्ने प्रस्ताव राष्ट्रपतिसमक्ष लगेका थिए ।
राष्ट्रपति भण्डारीले संविधानको धारा ७६ को उपधारा १ र ७ तथा धारा ८५ र संसदीय प्रणालीको आधारभूत मर्म एवं मूल्यमान्यता बमोजिम भन्दै संसद विघटनको घोषणा गरेपछी प्रधानमन्त्री ओली र राष्ट्रपति भण्डारीका विरुद्ध देशव्यापी प्रदर्शन हुने भएको छ । सत्तारूढ नेकपाको प्रचण्ड र नेपाल समूह, प्रतिपक्षी नेपाली काङ्ग्रेस , जनता समाजवादी पार्टीले संसद् विघटनको विरुद्ध संयुक्त प्रतिवाद गर्ने घोषणा गरेपछि नेपालको राजनीति पुनः द्वन्द्व तर्फ मोडिएको छ । संसदमा प्रतिनिधित्व गर्ने सबै राजनीतिक पार्टीहरुले आफ्नो सपेक्षतामा आज सडक आन्दोलनको तयारी गरेक...