आज प्रदेश ४ र ६ मा मुख्यमन्त्रीको सपथ, सातै प्रदेशमा मुख्यमन्त्रीको टुंगो
सारांश
- शिखरन्यूज, काठमाडौं, ४ फागुन – आज प्रदेश नम्बर ४ का मुख्यमन्त्री पृथ्वीसुब्बा गुरुङ र प्रदेश नम्बर ६ का मुख्यमन्त्री महेन्द्रबहादुर शाहीले शपथ लिँदैछन् ।
- संघीय संरचना अनुसार सबै प्रदेशमा मुख्यमन्त्रीको टुंगो लागिसकेको छ ।
- प्रदेश नम्बर १, २ र ५ मा बिहीबार नै मुख्यमन्त्रीको शपथ र मन्त्रिपरिषद गठन भैसकेको छ ।
शिखरन्यूज, काठमाडौं, ४ फागुन – आज प्रदेश नम्बर ४ का मुख्यमन्त्री पृथ्वीसुब्बा गुरुङ र प्रदेश नम्बर ६ का मुख्यमन्त्री महेन्द्रबहादुर शाहीले शपथ लिँदैछन् । संघीय संरचना अनुसार सबै प्रदेशमा मुख्यमन्त्रीको टुंगो लागिसकेको छ ।
प्रदेश नम्बर १, २ र ५ मा बिहीबार नै मुख्यमन्त्रीको शपथ र मन्त्रिपरिषद गठन भैसकेको छ । प्रदेश ३ मा पनि यसअघि नै सरकार गठन भैसकेको छ । प्रदेश नम्बर ४ का मुख्यमन्त्री गुरुङ र सभामुख नेत्रनाथ अधिकारीको शपथ आज सपथ हुन लागेको हो । मुख्यमन्त्रीको शपथपछि आज शुक्रबार प्रदेश ४ मा मन्त्रिपरिषदको गठन गर्ने तयारी रहेको छ ।
मन्त्रिमण्डल गठन भएपनि एमाले र माओवादीबीच मन्त्रालय बाँडफाँडमा कुरा मिल्न बाँकी छ । एमालेले ५ र माओवादीले २ मन्त्री लिने समझदारी बनिसकेपनि को को मन्त्रि हुने भन्ने बारे बाँकी रहेको नेताहरुले बताएका छन् ।
त्यसैगरी प्रदेश नम्बर ६ का मुख्यमन्त्री महेन्द्रबहादुर शाहीले पनि आज शपथ लिँदैछन् । आज दिउसो ३ बजे मुख्यमन्त्रीको शपथ हुने प्रदेश कार्यालयले जानकारी दिएको छ । त्यसैगरी प्रदेश ७ का मुख्यमन्त्री त्रिलोचन भट्टले भने भोलि शनिबार शपथ लिने कार्यक्रम रहेको छ ।
प्रदेश नम्बर १ मा शेरधन राई, २ मा लालबाबु राउत, ३ मा डोरमणि पौडेल, ४ मा पृथ्वीसुब्बा गुरुङ, ५ मा शंकर पोखरेल, ६ मा महेन्द्रबहादुर शाही र ७ मा त्रिलोचन भट्ट मुख्यमन्त्री बनेका छन् । स्थानीय, प्रदेश र प्रतिनिधिसभा चुनावपछि संघीयतामा औपचारिक संरचनामै प्रवेश गरेको छ । नेपालका सातवटै प्रदेशले मुख्यमन्त्री पनि पाइसकेको छ ।
प्रतिक्रिया