सरकारले बेरोजगारलाई २२ हजार ५ सय भत्ता दिने, पहिले काम नभए भत्ता

Abhiyanpost Abhiyanpost
|
शनिबार, फाल्गुन ४, २०७५
|
|
५६ पटक हेरिएको
Shares
सरकारले बेरोजगारलाई २२ हजार ५ सय भत्ता दिने, पहिले काम नभए भत्ता

सारांश

  • काठमाडौं ।
  • सरकारले फागुन १ देखि लागू हुनेगरी बेरोजगारलाई भत्ता दिनेगरी प्रधानमन्त्री रोजगार कार्यक्रम ल्याएको छ ।
  • सरकारले बेरोजगारलाई पहिले रोजगारका लागि काम दिनेछ ।

काठमाडौं । सरकारले फागुन १ देखि लागू हुनेगरी बेरोजगारलाई भत्ता दिनेगरी प्रधानमन्त्री रोजगार कार्यक्रम ल्याएको छ । सरकारले बेरोजगारलाई पहिले रोजगारका लागि काम दिनेछ । काम पनि दिन नसकेपछि बल्ल ५५ हजार ५ सय भत्ता दिनेछ ।

परिवारका कोही पनि रोजगारीमा नभएका व्यक्तिले मात्र भत्ता पाउनेछन् । बेरोजगार छन् भने त्यस्तो परिवारलाई एक सय दिनको न्यूनतम पारिश्रमिकको ५० प्रतिशत बराबरको रकम निर्वाह भत्ताका रुपमा दिने व्यवस्था गरिनेछ । प्रतिदिन ४४८ रुपैयाँका  दरले ५० दिनको भत्ता दिनेछ । मापदण्ड पूरा भएको खण्डमा सरकारले वर्षको २२ हजार ५ सय रुपैयाँ बेरोजगार निर्वाह भत्ता पाउनेछन् ।

रोजगार कार्यक्रम अन्तर्गत बेरोजगार युवालाई न्यूनतम १ सय दिनको रोजगारी दिनेछ । परिवारको कुनै पनि सदस्यले न्युनतम रोजगारीसमेत पाएका छैनन् भने मात्र भत्ता दिनेछ । गाउँपालिका, नगरपालिकाले बेरोजगार छ छैन पहिचान गरी पहिले काम नसके मात्रै भत्ता दिनेछ ।

बेरोजगार भत्ता सजिलै भने पाइँदैन । सरकारले तोकेको मापदण्डभित्र पर्नुपर्नेछ । बेरोजगार भत्ता पाउन परिवारका सबै सदस्य बेरोजगार हुनुपर्छ । त्यस्तो खालको अवस्था नेपालीको पाउन मुश्किल छ । परिवारका एक न एक सदस्य कुनै न कुनै काममा संलग्न भएकै छन् ।

सबैका लागि रोजगार संवैधानिक अधिकार नारा सहितको रोजगार कार्यक्रमले १३ वटा क्षेत्रमा रोजगारी दिनेगरी कार्यक्रम ल्याइएको छ । ती सबै ठाउँमासमेत काम नपाएमा वर्षको ५० दिन बराबर भत्ता पाउनेछन् ।

संघ, प्रदेश र स्थानीयतहबीच सहकार्य एवं समन्वयमा सरकारी, निजी र सहकारी क्षेत्रसमेतको सहभागितामा आन्तरिक रोजगारीका अवसर सिर्जना गरी बेरोजगारीको अन्त्य गर्ने उद्देश्यका साथ सरकारले ‘प्रधानमन्त्री रोजगार कार्यक्रम’ ल्याएको हो ।

नेपालको संविधानको धारा ३३ मा मौलिक हकको रुपमा रोजगारीको हक राखिएको छ । त्यही रोजगारीको हकलाई कार्यान्वयन गर्न बनेको रोजगारीको हकसम्बन्धीको ऐन, २०७५ बमोजिम प्रत्येक नागरिकलाई न्युनतम रोजागारको अवसर तयार पार्न सरकारले कार्यक्रम ल्याएको हो ।

आगामी पाँच वर्षभित्र वाध्यकारी वैदेशिक रोजगारीलाई निरुत्साहन गर्ने सरकारको नीति छ । आन्तरिक रोजगारीको क्षेत्र र दायरा विकास एवं विस्तार, श्रमको सम्मान गर्ने वातावरण बनाउँदै राष्ट्रिय समृद्धिमा योगदान गर्ने कार्यक्रमको लक्ष्य छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

बूढीगण्डकी आयोजनामा मुआब्जा लिन निवेदन दिनेको भीड
बूढीगण्डकी आयोजनामा मुआब्जा लिन निवेदन दिनेको भीड
सिएनआई युवा उद्यमी मञ्चको नयाँ कार्यसमिति चयन
सिएनआई युवा उद्यमी मञ्चको नयाँ कार्यसमिति चयन
प्रधानसेनापति र रक्षा सचिवले गरे फास्ट ट्रयाककाे निरीक्षण
प्रधानसेनापति र रक्षा सचिवले गरे फास्ट ट्रयाककाे निरीक्षण
दुर्घटना अपडेट : त्रिशुलीमा बस खस्दा ४ जनाको मृत्यु, २५ घाइते
दुर्घटना अपडेट : त्रिशुलीमा बस खस्दा ४ जनाको मृत्यु, २५ घाइते
मतदाताको खुट्टामा हजारको नोट राखेर ढोग्ने उम्मेदवारलाई आयोगले सचेत गरायो
मतदाताको खुट्टामा हजारको नोट राखेर ढोग्ने उम्मेदवारलाई आयोगले सचेत गरायो
चिकित्साशास्त्र पढ्न बाङ्लादेश गएका नेपाली विद्यार्थीको बिचल्ली !
चिकित्साशास्त्र पढ्न बाङ्लादेश गएका नेपाली विद्यार्थीको बिचल्ली !
सांसद खतिवडाको टिप्पणी- बालेनको लौरो नुवाकोटे जनताको टाउको र ढाडमा बजारियो
सांसद खतिवडाको टिप्पणी- बालेनको लौरो नुवाकोटे जनताको टाउको र ढाडमा बजारियो
चिकित्सकअपहरण: नाटक गरेकाे खुलासा
चिकित्सकअपहरण: नाटक गरेकाे खुलासा
प्रचण्डप्रति आक्रामक हुँदै ओलीले भने-मैले १७ हजार मान्छे मारेको छु र खुट्टा कमाउने?
प्रचण्डप्रति आक्रामक हुँदै ओलीले भने-मैले १७ हजार मान्छे मारेको छु र खुट्टा कमाउने?
जो मन्त्री आएपनि यामकुमारीबाट धुरुक्कै
जो मन्त्री आएपनि यामकुमारीबाट धुरुक्कै

तपाईंले छुटाउनुभयो कि?