१० करोड लगानीमा पोखराको लेखनाथमा सप्तगण्डकी आरएमसी सञ्चालनमा
सारांश
- लेखनाथ १० करोड रुपैयाँभन्दा बढीको लगानीमा लेखनाथमा सप्तगण्डकी आरएमसी उद्योग सञ्चालनमा आएको छ ।
- भूकम्पपछि निर्माण क्षेत्रमा संवेदनशील हुन र छिटो –छरितो सेवा प्रदान गर्ने उद्देश्यले उद्योग सञ्चालनमा ल्याइएको आरएमसीका प्रबन्धक पशुपती सुवेदीले बताए ।
- उनले पोखरामा सञ्चालित अन्य आरएमसीको तुलनामा सप्तगण्डकी आरएमसीको गुणस्तर क्षमता ३० प्रतिशत बढी रहेको बताए ।
१० करोड रुपैयाँभन्दा बढीको लगानीमा लेखनाथमा सप्तगण्डकी आरएमसी उद्योग सञ्चालनमा आएको छ ।भूकम्पपछि निर्माण क्षेत्रमा संवेदनशील हुन र छिटो –छरितो सेवा प्रदान गर्ने उद्देश्यले उद्योग सञ्चालनमा ल्याइएको आरएमसीका प्रबन्धक पशुपती सुवेदीले बताए ।
उनले पोखरामा सञ्चालित अन्य आरएमसीको तुलनामा सप्तगण्डकी आरएमसीको गुणस्तर क्षमता ३० प्रतिशत बढी रहेको बताए । अत्याधुनिक जर्मन प्रविधिबाट उक्त आरएमसी सञ्चालनमा ल्याइएको उद्योगले जनाएको छ ।
उद्योगमा नेपालकै दोस्रो ठूलो प्लान्ट रहेको तथा १ घण्टामा ३० घनमिटर ढलान गर्न सक्ने क्षमता कम्पनीको रहेको प्रवन्धक सुवेदीले जानकारी दिए ।लेखनाथमा नै रहेका आधा दर्जन व्यापारी र समाजसेवीको समूहले उक्त उद्योग सञ्चालनमा ल्याएको हो ।
उद्योगले पोखरा र लेखनाथ क्षेत्रका साथै छिमेकी जिल्ला तनहुँ र स्याङ्जासम्म सेवा प्रवाह गर्ने जनाइएको छ ।लेखनाथ हार्डवेयर एसोसिएसनका पूर्वअध्यक्ष समेत रहेका राजेन्द्र ओझा उक्त उद्योगका अध्यक्ष हुन् ।
सस्थाको अध्यक्षमा राजेन्द्र ओझा, उपाध्यक्षमा माधवप्रसाद तिवारी, सचिव एंव प्रबन्धकमा पशुपती सुवेदी, कोषाध्यक्षमा मोहन कँडेल तथा सल्लाहकारमा सुर्यनारायण बराल र मेजर रामप्रसाद गुरुङ रहेका छन् ।
निर्माण क्षेत्रमा आफूले हासिल गरेको १० वर्षको अनुभवलाई ग्राहकको गुणस्तरीय सेवामा लगाउने संस्थाका सचिव तथा प्रबन्धक सुवेदीले बताए । हाल कम्पनीमा २५ जना भन्दा बढीले रोजगारी पाएका उनले बताए ।
प्रतिक्रिया