Sunday, June 16
Shadow

‘करन जोहर पूर्ण रुपमा विक्षिप्त भएका छन्, धेरैजसो रोइरहन्छन्’


  • -इ
  • इ+

जबजब बलिउडमा नेपोटिजमको विषय उठान हुन्छ, तब करन जोहरको नाम सबैभन्दा माथि आउँछ । सुशान्त सिंहको मृत्युपछि मात्रै होइन, त्यसअघि पनि उनलाई धेरैले यसमा मुछ्ने गर्दथे । तर यसपटक भने उनीविरुद्ध सोसल मिडियामा जुन रोष देखिएको छ, त्यसले करनलाई भित्रैदेखि हल्लाएको छ । यो कुरा करनका नजिकका साथीले बताएका हुन् । उनले करन जोहर पूर्ण रुपमा विक्षिप्त भएको र उनी अहिले केही पनि बोल्न नसक्ने अवस्थामा भएको पनि बताए ।

भारतीय सञ्चार माध्यम बलिउड हंगामासँगको कुराकानीमा करन जोहरका एक निकै मिल्ने साथीले उनको स्थितीबारे जानकारी दिएका छन् । उनले भने, ‘उनी यत्तिका वर्षसम्म सोसल मिडियामा ट्रोल भइरहेका छन् र करनलाई लागेको थियो कि यी सबका लागि उनको छाला मोटो भइसकेको छ । तर सुशान्तको मृत्युपछि मानिसहरुले उनीविरुद्ध जसरी आफ्नो रिस पोखेका छन्, त्यो देखेर उनी भित्रैदेखि टुटेका छन् ।’

उनले थपे, ‘करनसँग नजिक भएका सबैजना यतिबेला जनताको निशानामा छन् र यसका लागि उनी आफू जिम्मेवार भएको ठानिरहेका छन् । उनका तीन वर्षका सन्तानलाई मारिदिने धम्की आइरहेको छ ।’

उनका साथीका अनुसार जब उनलाई कसैको फोन आउँछ जब उनी बेस्सरी रुन थाल्छन् । ‘उनले रुँदै प्रश्न सोध्छन्, ‘आखिर यस्तो सजाय पाउन, मैले के गल्ती गरेको छु र?’,’ उनले भने ।

उनका अनुसार उनी करनको विषयमा अत्यधिक डराएका छन् र करन यतिबेला केही पनि बोल्ने स्थितीमा छैनन् ।

स्मरण रहोस्, सुशान्त सिंह राजपूतले जून १४ मा मुम्बईको आफ्नो फ्ल्याटमा आत्महत्या गरेका थिए ।

"Abhiyan Post!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र तथ्य र पल पलकाे खबरकालागि : अभियान पाेष्ट डटकम’  [Email : [email protected]]

     

प्रतिक्रिया दिनुहोस्