सामाजिक संजाल टिकटकमा अहिले एउटा गीत चर्चामा छ । गायक निशान भट्टराई र गायिका एलिना चौहानको आवाजमा समावेश ‘के माया लाग्छ र’ बोलको गीतले दर्शकको माया पाइरहेको छ ।
यो गीतको भिडियोमा कलाकार मुकुन भुषाल र नायिका सुरविना कार्कीले अभिनय गरेका छन् । यो गीत चर्चामा आएपछि सुरविनालाई पनि दर्शकले नोटिस गरेका छन् । हुनत, उनले यसअघि केही चलचित्रमा काम नगरेकी होइनन् । तर, २ बर्षदेखि मुम्बइमा रहेर मोडलिङ गर्दै आएकाले पनि नेपाली दर्शकले उनलाई विर्सिएका थिए ।
